Dawîn alûgurên Bangladişê; Hilweşandina parlemanê û bijartina serokê hikûmeta demkî
Rojekê piştî îstifakirina serokwezîr, nivîsgeha serokkomarê Bangladeşê di daxûyaniyekê de derbarê betalkirina parlemanê agahî da û ragihand ku xwediyê Xelata Nobelê ya Aştiyê Mihemed Yûnûs dê serokatiya hikûmeta demkî ya vî welatî bike.
Ji ber ku hejmara kesên ku di van xwepêşandanan de hatin kuştin rabû 300 kesî, gel êrişî Qesra Serokwezîrtiyê kirin û Şêx Huseyne neçar kirin ku terka welatê xwe bike.
Huseyne roja duşemiyê neçar ma ji posta xwe îstifa bike û terka Bengladişê da û berê xwe da Hindê.
Serokkomarê Bangladişê Mihemed Şahabedîn piştî civîneke 5 sietî bi rêberên xwendekarên xwenîşander, hin serkirdeyên bazirganî, endamên civaka sivîl û serekên artêşê re, biryar da ku Yunis wek serokê hikûmeta demkî destnîşan bike.
Mihemed Yunis ê 84 salî ji ber xebatên xwe yên ji bo derxistina bi mîlyonan mirovan ji xizaniyê xelata Nobelê ya aştiyê wergirt.
Nasir Kenanî berdevkê wezareta karên derve ya Komara Islamî ya Îranê hevxemiya xwe bi malbatên qurbaniyan û birîndaran re ji ber bûyerên diltezîn ên rojên buhurî nîşan da û got: Komara Îslamî ya Îranê di peywendiyên xwe yên dostane yên bi Bengladişê re mayînde ye û di vê rewşa hestiyar û girîng de, li pişta gelê misilman, dost û bira yê Bengladiş de bimîne.
