Di encama 4 teqînên li Efganistanê yên bi destê DAIŞê 16 kes hatin kuştin
May 26, 2022 17:33 Asia/Tehran
Di encama 4 teqînên duh êvarê li Efganistanê de, herî kêm 16 kes hatin kuştin û 33 kes jî birîndar bûn.
Li gorî AFP`ê, berdevkê Polîsên Xwecihî li bajarê Mezar Şerîf ê li bakurê Efganistanê Asif Wezîrî îro got, bombe di 3 otobûsên li taxên cuda yên bajêr de hatibûn bicihkirin.
Her wiha polîs û saziyên tenduristiyê yên Efganistanê daxuyandin ku herî kêm 10 kes hatine kuştin û nêzî 15 kesan birîndar bûne.
Çeteyên DAIŞ`ê duh bi şev ragihand ku wan her sê êriş pêk anîne.
Li gorî daxuyaniya berdevkê polîsên Kabûlê Xalid Zedran jî, duh derengiya şevê bombeyeke din li mizgeftelî li paytexta Efganistan Kabûlê teqiyaye û di encamê de herî kêm 6 kes hatine kuştin, 18 kes jî birîndar bûne.
