Li bajarê Bakûya paytexta Komara Azerbaycanê di klûbeke şevê de teqînek pêk hat û di encamê de bi dehan kes mirin û birîndar bûn.

Li gorî rapora IRNA`yê ji Bakûyê, di encama teqînê de ziyanek mezin gihêşt avahiya kluba şevê.

Her çendî hêj hejmara kuştî û birîndaran zelal nebûye, lê karbidest dibêjin bi dehan kuştî û birîndar hene.

Şahidiyên destpêkê diyar dikin ku teqîn ji ber derketina gazê qewmiye.

Di dîmenên ewil ên ku ji cihê bûyerê derketine de tê dîtin ku xelk diqîrin û bi lez û bez ji avahiyê derdikevin.

Nûçeyên nefermî jî amaje bi wê yekê dikin ku 6 kes bo nexweşxaneyê hatine veguhestin.