Konseya Ewlehiyê rewşa Lîbyayê nîqaş dike
Konseya Ewlehiyê ya Neteweyên Yekbûyî der barê rewşa Lîbyayê de du civînan li dar dixe, yek girtî ye û ya din jî vekirî ye. Ev civîn piştî kiryarên hikumeta Wîfaqê li dijî xwepêşandêran li paytext Terablusê derketin, pêk hat.
Konseya Ewlehiyê ya Neteweyên Yekbûyî (NY) bi amadebûna nûnera navneteweyî Stephanie Williams, 2 civînan der barê Lîbyayê de, yek girtî û yek jî vekirî, li dar dixe.
Nûnera NY’yê ya piştevaniya Lîbyayê piştrast kir ku li Lîbyayê bûyerên balkêş rû didin û pêdivî bi vegera li xebata siyasî ya giştî heye, da ku pêdivî û xwestekên gelê Lîbyayê bi hikumeteke nûneriya wan dike, bên dabînkirin.
Nûnera navneteweyî banga pêkanîna serweriya qanûnê û parastina mafên tevahî welatiyan kir.
Nûnera navneteweyî ya Lîbyayê di demeke berê de bikaranîna hêza bêserûber li dijî xwepêşandêr û girtina sivîlên ku li hember gendeliyê li Terablus û bajarên rojavayê Lîbyayê derdikevin, rexne kiribû.
Nûnerê metirsiya xwe ji zêdebûna raporên pêkanîna sûcan li tevahî Lîbyayê diyar kir û bal kişand ser pêwîstiya vegera li xebata siyasî ya giştî li Lîbyayê.
