Wezîrên karên derve yên Fransayê Jean-Yves Le Drian, yê Almanyayê Heiko Maas û yê Îtalyayê Luigi Di Maio duh çûn Lîbyayê.

Wezîrên karên derve yên Fransa, Almanya û Îtalyayê duh gihêştin paytexta Lîbyayê Terablusê da ku dan û standinan bi serokê hikumeta nû ya Lîbyayê Ebdulhemîd El-Debîbe re pêk bînin.

Li gorî ajansa AFP`ê, dê her sê wezîr tevî hempîşeyê wan ê lîbyayî li Terablusê civîneke çapemeniyê ya hevbeş li dar bixin. Ev yek di çarçoveya piştgirîdayîna Ewropayê ji bo desthilata nû de ku meha borî li Cinêvê hatibû helbijartin, pêk tê.

Serdan piştî kêmî du hefteyan ji avakirina hikumeteke nû ya Lîbyayê ya yekbûyî ku berpirsa rêveberina qonaxa demkî û hilbijartinên giştî yên di dawiya îsal de ye, pêk tê.

Ajanseke Îtalyayê jî li gorî çavkaniyan ragihand ku her sê wezîr gihêştin Terablusê û bi wê yekê erka dîplomasiyê ya Ewropayê li Lîbyayê dest pê dike.