Li eyaleta Gazne ya Afganîstanê, êrîşek bi wesayîteke bombebarkirî ve li hember yekîneyeke leşkerî pêkhat û 7 karmendên ewlehiyê jiyana xwe ji dest dan.

Berdevkê wezareta karên navxwe Tariq Aryen ji çapemeniyê re ragehand, li herêma Kotal Ravza ya Gazneyê bi wesayîteke bombebarkirî ve êrîşek li hember yekîneyeke leşkerî pêkhat û di wê êrîşê de 7 karmendên ewlehiyê jiyana xwe ji dest dan, 16 karmendên ewlehiyê anku leşker jî birîndar bûn.

Heta naha ti aliyekî êrîş negirtiye ser xwe, lê belê wer xuya dike ku ev êriş karê Koma Talibanê bibe.