Qeyrana nûciwaniyê çi ye û çawa divê digel nûciwanan tev bigerin?
Qeyrana nûciwaniyê ji ezmûnên herî dijwar di serdema derbasbûna ji zarokatiyê bo meziniyê ye.
Di vê qonaxê da mirov tûşî guherînên lezgîn di hest, hizr û têkiliyên civakî da dibe.
Qeyran di serdema nûciwaniyê da dewreyeke aloz ji guherînên heyecanî, meirifî û reftarî ye ku pirranî di temenê 12 heta 18 saliyê diqewimin. Beşeke zêde ya guherînên xû û reftarê di vê heyamê da xwezayî ne. Lê heke ast û dubarebûna wan zêde be dikare nîşana qeyranê be.
Hinek ji van nîşaneyan ev in:
Xem an bêhêvîtiya demdirêj
Hêrişkarî yan hêrsbûna berdewam
Xwedûrkirina ji malbatê û hevalan
Derketina pirsgirêkan li dibistanê
Bêmoralî û westiyana demdirêj
Nerazîbûn ji taybetmendiyên rûvekî
Bêhêzî di lêhûrbûnê da
Henekkirin an axaftin li ser mirin û xwekujiyê
Hokarên ku dibine sebeba qewimîna qeyranê di heyama nûciwaniyê da
Guherînên hormonî û leşî
Bandorên malbatî
Hokarên derveyî û şert û mercên aborî
Bandorên biyolojîkî û genetîkî
Di vê qonaxa geşekirinê da, nûciwan dest bi venihêrîna li ser nirx, baweriyên dînî yan çandî yên xwe dike û hin pirs jê ra derdikevin.
