Kevnarenasan berê xwe dan gorên nenas ên Girê Xwaceyê
Lêkolînên li ser gorên qada Girê Xwaceyê yê Sîstanê bi mebesta belgewarkirina definkirinan û raberkirina kronolojiya deqîq dest pê bû.
Li gorî rapora ISNA'yê, Reza Mêhr-Aferîn Sergêrê Desteya Kevnarenasiyê ya Girê Xwaceyê li Parêzgeha Sîstan û Belûçistanê definkirina bi kevirên rêzkirî wek cihwarekî taybet li Girê Xwaceyê zanî ku gellekî zêde li beşên cûrbicûr ên vî girî tê dîtin. Wî têkildarî vê yekê got: Heta niha lêkolîneke serbixwe li ser goran pêk nehatiye û diyarkirina dîroka wan hertim mijareke nakokiyê navbera kevnarenasan bûye. Vêca pêkanîna projeyeke meydanî bi mebesta pergalmendkirin û belgewarkirina van binaxkirinan û raberkirina kronolojiyeke deqîq ji bo wan pêwîst bû.
Vî kevnarenasî got: Kolandin û lêkolînên bi merema pergalmendkirina gorên qada cîhanî ya Girê Xwaceyê yê Sîstanê bi piştevaniya Rêveberiya Giştî ya Mîrasa Çandî, geştyarê û Pêşeyên Destî ya Parêzgeha Sîstan û Belûçistanê û destûra Lêkolîngeha Mîrasa Çandî û Geştyariyê bi tîmeke pêkhatî ji pênc kevnarenasan di beşên jorîn ên Girê Xwaceyê dest pê bûye.
Wî got: Girê Xwaceyê wek bilindahiya herî giring a Deşta Sîstanê ye ku 20 kîlomitran dûrî başûrê Zabolê û wek giraveke biçûk li nav Gola Hamûnê cih girtiye û bilindahiya herî zêde ya vî girî ji asta deştê 120 mitr û çembera wî jî derdora du kîlomitr û nîv e.
Mêhr-Aferîn got: Ev gir bi navê "Oşîda" li Evistayê hatiye destnîşankirin û herî kêm li sê olên Zerdeştî, Xirîstiyanî û Îslamê xwedan pîrozweriyeke taybet bûye û vê hêmana pîrozweriyê hertim ev der veguherandiye şûnwarekî mezhebî yê balkêş ji bo ziyaretkirin û spartina miriyan li axê.
