Zanyarên çînî kanzayeke nû li Heyvê kişf kir
Zanyarên çînî kanzayeke nû li nav nimûneyên bidesthatî ji ser Heyvê kişf kir.
Li gorî rapora Sputnik'ê, Rêxistina Fezayî ya Çînê û Rêxistina Enêrjiya Atomê ya vî welatî bi awayê hevpar ragihand ku zanyarên çînî bo cara yekem kanzaya bi navê "Changesite" ku şeşemîn kanzaya taybet a kişfbûyî li Heyvê ye, tomar kiriye.
Madeya nû ya peydabûyî li nimûneyên kevir û axê yên berhevkirî ji aliyê Heyvgerra "Chang'e 5" ku sala 2020î bo Heyvê hat şandin, wek "Changesite-(Y)" hatiye binavkirin.
Wang Şûcin ji zanyarên Enistîtûya Lêkolînên Erdnasî û Ûraniyûmê ya Pekînê di vî warî da got: Ev nimûneya kanzayê wek pirtikeke take-kirîstalî ya bi çembera 10 mîkron e ku ji aliyê lêkoleran va û bi awayê destî ji zêdetir ji 140 hezar hûre-pirtikên din hatiye veqetandin.
Beriya Çînê, Amerîka û Rûsiye bi berhevkirina nimûneyên kevir û axê ji ser Heyvê, di kişfkirina kanzaya nû da pêşneg bûn.
