SAHAR

Xilxilîn û pûkebûna hestiyan ji nexweşiyên herî nihênî ye ku bi salan bêyî ku nîşaneyeke wê hebe pêş diçe û tenê bi şikstineke nişkêvayî aşkira dibe.

Xilxilîna hestiyan cûreyeke nexweşiyê ye ku li gorî gotina pisporan roja îro ne tenê extiyar, belkî jinên navsere,kesên bi şêwaza jiyana bi livdariya kêm û heta xort jî xistine bin bandorê û bûye kêşeyeke cidî li dijî tenduristiya gelemperî.

Dema hestî dixilxilin û pûke dibin, çi guherîn di leşî da diqewimin?

Xilxilîna hestiyan cûreyeke nexweşiyê ye ku tê da tevnik û pêkhateya hestî tûşî kêmbûna çirratîyê dibe û şiyana wê ya berxwedana li hember giranî û derbeyê kêm dibe.

Berovajî zihniyeta gelemperî hestî bûnewerên zindî ne ku berdewam ji nû va tên çêkirin. Dema ku leza xirabûn û xilxilîna hestiyan ji leza çêbûna wan zêdetir bibe, xilxilîn û pûkebûna hstiyan diqewime û hestî sist û berziyan dibe.

Hokarên bibandor di xilxilîna hestiyan da

Zêdebûna temen

Bêhêvîbûna ji zarokanînê di jinaan da

Raboriya malbatî ya şikestina hestiyan

Kêmasiya Kelsyûm û Vîtamîna D

Bêtevgerî yan rûniştina demdirêj

Cixarekêşan û vexwarina elkolê

Nexweşiyên demdirêj weke Baya (Romatîzm) movikan

Bikaranîna demdirêj a Kortonan

Nîşaneyên nexweşiya Xilxilîna Hestiyan

Kurtbûna bejnê bi derbasbûna demê ra

Tengenefesî û dilêş

Hesta êşê di beşa xwarîn a kemberê

Êşên nişkêvayî

Guherîna rewşa leşî

Şikestina hestiyan