Êrişa Îsraîlê bi bombeyên fosforê ser dibistana UNRWA li Xezzeyê
Rejîma Siyonîst îro di 27-mîn roja operasyona Bahoza El-Eqsayê dibistaneke din a UNRWA (Ajansa Alîkarî û Xebatê ya NY) li kempa El-Şatî bombebaran kir.
Artêşa Îsraîlê îro di 27emîn roja operasyona Bahoza El-Eqsayê de, bi bombeyên fosforê dibistaneke din a ser bi UNRWAyê ku hejmareke zêde ya penaberên filistînî penaha xwe biribûn wir, bombebaran kir.
Rejîma Siyonîst ji destpêka operasiyona bahoza El-Eqsayê di 7`ê Cotmeha îsal wek berteka li himber zêdetir ji heftê salan cinayetên vê rejîmê li dijî gelê Filistînê, bêrêziya li mizgevta Eqsayê û dorpêçkirina Zîvala Xezzeyê, çendîn caran nexweşxane û navendên dermankirinê, mizgevt û dibistanên Filistînê dane ber bombeyan.
Piraniya rayedarên filistînî li Xezzeyê ragihandibûn ku di encama êrişên Rejîma Siyonîstî de 212 dibistan zirar dîtine û çalakiyên 45 dibistanan hatiye rawestandin û 2 hezar û 510 xwendekar şehîd bûne.
Wezareta Tenduristiyê ya Filistînê li Zîvala Xezzeyê jî ragihand ku hejmara qurbaniyên êrişên Rejîma Siyonîst gihêştiye 8 hezar û 805 şehîdî û 22 hezar 240 kes jî birîndar bûne.
Vê wezaretxaneyê her wiha got: Hejmara qurbaniyên Rêjîma zarokkuj ê siyonîst li navçeya Cebalyayê li bakurê zîvala Xezzeyê gihîştiye 195 şehîdan, 777 birîndar bûne û 120 kes jî bê ser û şûne bûne.
Eşref El-Qedre berdevkê Wezareta Tenduristiyê ya Xezzeyê îro ragihand ku hejmara şehîdên vê zîvalê gihîştiye 9 hezar û 61 kesan ku 3 hezar û 760 zarok û 2 hezar û 326 jin in û 32 hezar kes hene.
Berdevkê Wezareta Tenduristiyê hişyarî derbarê rûdana karesateke tendrustiyê ji ber rawestana xebata jeneratora cereyanê ya nexweşxaneya Endonezyayê ya li Xezzeyê hişyarî da. El-Qedre bang li hemû aliyan kir ku rêyeke ewleh bo derbaskirina alîkariyên pizîşkî ji bo Xezzeyê peyda bikin.
