Emîr-Ebdullahiyan û Josep Borrell li navçeya Behr ul-Meyta Urdinê civiyan
Wezîrê karên derve yê Îranê û Berpirsê Siyaseta Derveyî yê Yekîtiya Ewropayê civiyan û li ser mijarên eleqedar ên navçeyî û navneteweyî şêwirîn.
Li gorî rapora IRNAyê, Di hevdîtina Husên Emîr-Ebdullahiyan wezîrê derve yê Îran û Josep Borrell Berpirsê Siyaseta Derveyî yê Yekîtiya Ewropayê da ku li navçeya Behr ul-Meyta (Deryaya Mirî) Urdinê hat lidarxistin, Elî Baqirî Kenî gotûbêjkerê payebilind ê Îranê û Enrique Mora hevahengkerê gotûbêjên Îranê û Koma 4+1ê jî beşdar bûn.
Husên Emîr-Ebdullahiyan ji bo beşdariya di civîna Baghdad-2'ê roja Sêşemiyê gihîşte Emana paytexta Urdinê.
Komcivîna Baghdad 2'ê bi beşdariya hejmareke serok û wezîrên derve yên wlatên cînar û hevkarên Iraqê bi mebesta raberkirina rêkarinan li ser meseleyên vî welatî, îro bi mazûvaniya Urdinê tê lidarxistin.
Armanca lidarxistina Komcivîna Baghdad-2'ê piştevanî û alîkariya Iraqê ji hêlên aborî û siyasî va ye. Bingeha vê civînê vekolandina rewşa Iraqê û welatên derdorê ye.
