Qalîbaf: Ji bo başkirina peywendiyên bazirganî û çareserkirina pirsgirêkên bazirganiyê planeke dualî ya demdirêj pêwîst e
Serokê Meclisa Şêwra Îslamî ya Îranê got: Ji bo çareserkirina pirsgirêkên ticarî û pêşxistina peywendiyên aborî yên Îran û Tirkiyê, hebûna planeke demdirêj ji bo pêşxistina peywendiyên dualî û pêkanîna rast û aqilane ya wê yekê pêwîst e .
Li gorî rapora ajansa nûçan a Xanê Mellatê, “Mihemed Baqir Qalîbaf” serokê meclisa şêwra Îslamî ya Îranê îro (Pêncşemê) li hevdîtina digel çalakvanên aborî û karsazên Îranê yên li Tirkiyê, got: Her çendî ku Amerîkayê cezayên tund li ser Îranê sepandine, lê Komara Îslamî ya Îranê xwedî potansiyela bêencamkirina van sizayan e.
Serokê Meclisa Şêwra Îslamî şertê çareserkirina pirsgirêkên heyî, hebûna plansaziyeke rast û aqilane û cihanîna gav bi gav a wê da zanîn û got: Eger ev yek were kirin, hem berjewendiyên aborî yên gel, anku çalakvanên aborî dabîn dibe ku birast eva mafê wan e, hem jî berjewendiyên neteweyî yên welat tê dabînkirin û ew ê bibe sedema zêdebûna şeref û rûmeta gel.
Qalîbaf eşkere kir: di kategoriya bazirganiya dualî de, nabe ku mirov xwedî nêrîneke demkurt bibe û eger siza bên rakirin, dibe ku ev mijar kêmreng bibe, lê belê divê nêrîneke me ya demdirêj li ser vê mijarê hebe, wek mînak 25 sal û heta ku siza bên rakirin jî divê xebatên me ji bo pêşxistina bazirganiya dualî berdewam bibin.
Serokê Meclisa Şêwra Îslamî ya Îranê Muhemed Baqir Qalîbaf duh di serokatiya şandekê de ji bo beşdariya di Rûniştina Yekîtiya Navparlemanî ya Teşkîlata Hevkariya Îslamî de ku îro 9 Kanûnê li Stenbola Tirkiyê li darket û sibê 10 Kanûnê roja wê ya dawiyê ye, çû vî bajarî.
