Beşdariya Qalibaf di Civîna PUIC de
Berdevkê desteya serokatiya Meclisa Şêwra Îslamî ji beşdariya Serokê Meclisa Şêwra Îslamî ya Îranê li civîna Yekîtiya Parlemanî ya welatên endamên Rêxistina Hevkariya Îslamî (PUIC) ya bi mazûvaniya Tirkiyê xeber da.
Li gor nûçeya Ajansa Nûçeyan a IRIB; Berdevkê desteya serokatiya meclisa şêwra îslamî ya Îranê "Seyd Nizameddîn Mûsewî" roja çarşemiyê got: “Mihemed Baqir Qalîbaf” serokê meclisa şêwra Îslamî ya Îranê li vê sefera du rojî; Ji bilî beşdarbûna di Lûtkeya PUICê de, ew dê bi Serokên Parlamentên hin welatên Îslamî yên di Lûtkeyê de amade dibin re jî hevdîtinên dualîpêk bîne.
Mûsewî herwiha got: Dîplomasiya parlemanî û alîkariya ji bo geşepêdana peywendiyên aborî yên welatên cîran bi piştgirîkirina aktorên aborî û sektora taybet ji wan mijaran e ku meclisa 11-an hertim li ser wan tekez kiriye.
Berdevkê desteya serokatiya Meclisa Şêwra Îslamî diyar kir: Hevdîtina bi karsazên Îranî û Tirkî û şêwirînên ji bo hêsankirina peywendiyên aborî û piştevaniya ji sektorên taybet ên her du welatan, beşeke girîng a vê sefera parlamenî ya Qalîbaf e.
Civîna 16emîn a Yekitiya Meclisên Rêxistina Hevkariya Îslamê (PUIC) bi mijara sereke yên wek "Filistîn, Koçberî û Afganîstan" dê di 9 û 10ê Kanûnê de li Stenbolê bi mazûvaniya Meclisa Tirkiyê bê lidarxistin.
