Ruhanî: Dewrana zext û zora herî zêde nêzîkî dawiya xwe bûye
Serokê Komara Îslamî ya Îranê Hesen Ruhanî desnîşan kir ku dewrana zext û zora herî zêde nêzîkî dawiya xwe bûye û got: Netewê Îranê bi zûtî encama berxwedan û rawestan xwe bidest têxe.
Ruhanî îro pêşncşemê li merasima desbikarkirina projên perwerdehî û dermanî ku bi awayekî konferas-vêdeo li dar ket , got: Roja îro gişt mişane li cîhanê ji Amerîka bigire heya welatên din eyan dikin ku zext û zora herî zêde nagihêje encamê û dewrana wê ber bi dawiya xwe dimeşe.
Ruhanî hêvîdariya xwe diyar kir ku bi saya hewldana gişt dezgehên dewletî û alîkariya gel Komara Îslamî ya Îranê wê bikare rojên dijwar ên boykotên zalimane û neqanûnî yên dijminan derbas bike.
Serokê Komara Îslamî ya Îranê di dewamê de diyar kir ku pêşketin, geşepêdan, serxwebûn û ewlehiya netewyî bi saya perwerdekirina ewladên Îrana Îslamî pêkane û got: Vekirin û desbikarkirina yek hezar û 550 projeyên perwerdehî û fêrkariyê di rojekê de û zêdebûna rojê 27 klasên dersê ser gişt klesên heyî nîşana hewldana taybet a dewletê ji bo pêşxistina zanist, çand û fêrkarî û perwerdehiyê ye.
Ruhanî herwiha bal kişande ser desbikarkirina sê projeyên tendirustiyê û dermankirinê û got: Komara Îslamî ya Îranê bi saya alîkariya dixtor û pisporên dilsoj û wezîfenas îro di rêza welatên pêşketî di warê zanist û pisporiya tibî ye û gelek ji nexweşên welatên cîhanê ji bo dermankirinê têne Îranê.
Merasima vekirin û desbikarkirina yek hezar û 550 projeyên perwerdehî û fêrkariyê û desbikarkirina sê projeyên tendirustiyê û dermankirinê û fêrkariya pizişkî li Kirman, Qom û Meşhedê îr bi vîdeo-konferansa Serokê Komara Îslamî ya Îranê li dar ket.
