Berbijarê CHP: Receb Teyîb Erdogan mijara têrorê bi awayekî narewa bikar tîne
Hezîran 17, 2018 19:18 Asia/Tehran
Berbijarê serokomarîyê yê Partîya Komarxwaz a Gel (CHP) bi rexnekirina sîyasetên Receb Teyîb Erdogan têkildarî meseleya têrorê got: Erdogan mijara têrorê bi awayekî narewa bikar tîne.
Li gorî rapora ajansa nûçan a Kurdpress`ê, Muherem Înce berbijarê serokomarîyê yê CHP`ê li mîtînga xwe li devera Iskodar a Istenbolê bi rexnekirina sîyasetên Receb Teyîb Erdogan têkildarî meseleya têrorê got: Erdogan ji mijara têrorê sûdê werdigire. Ew di vî warî de rastbêj nîne. Rojekê tê û pêgirîyê dike ku nabe dayîn bigirîn. Roja din basa şehadetê dike. Û rojekê jî postçî dişîne Îmralîyê. Amade bin, ji ber ku Erdogan bilî sandiqên dengdanê û xwe fikra tu tiştekî din nake.
