Nêçîrvan Barzanî derbarê dûhatên êrişa Tirkîyê ser Sûrîyê de hişyarî da
Serokê Herêma Kurdistana Iraqê Nêçîrvan Barzanî derbarê dûhatên êrişa Tirkîyê ser Sûrîyê de hişyarî da û daxwaz ji civaka navdewletî û Encûmena Asayişa Navdewletî jî kir ku ji bo rawestnadina şêrr û pêkanîna aştiyê rola xwe bilîzin.
Serokê Herêma Kurdistana Iraqê Nêçîrvan Barzanî di daxûyanîyekê de ji ber êrişa Tirkîyê ser bakura rojhilata Sûrîyê rexne kir û got: Şer û pevçûn tenê alozî, gêre û metirisyê li navçeyê zêde dike, deskeftên têkbirina DAIŞê ji nav dibe û di berjewendiya ti aliyekî de nîne.
Barzanî pêgirî kir ku êrişa Tirkîyê ser bakura Sûrîyê dê xetera gef û vegera têrorîsmê zêdetir û cidîtir bike.
Serokê Herêma Kurdistana Iraqê daxwaz ji civaka navdewletî û Encûmena Asayişê jî kir ku çareserîyeke dadperwerane bo pêşeroja Sûriyê bibîne, bi awayekî ku mafê hemû pêkhateyan têde parastî be û bi ciddî rola xwe bo rawestandina şêrr û dabînkirina îstiqrarê û parastina aştî, diyalog û çareseriya siyasî bilîze û rê neyê dayîn ku xelkê sivîl derbider û aware bibin.
