Hejmara şehîdên Xezzeyê gihişt 50 hezar û 669 kesan
Wezareta Tenduristiyê ya Filistînê li Zîvala Xezzeyê ragihand ku hejmara şehîdên êrişên Rejîma Siyonîst ser zîvala Xezzeyê gihîşt 50 hezar û 669 kesan.
Wezareta Tenduristiyê ya Filistînê li Zîvala Xezzeyê ragihand ku ji 7ê Cotmeha sala borî ve heta niha 50 hezar û 669 kes di encama êrişên artêşa Îsraîlê li ser zîvala Xezzeyê şehîd bûne.
Vê wezaretê ragihand ku di 24 sietên borî de termên 60 şehîdan bo nexweşxaneyê hatine veguhestin. Herwiha di vê midehê de 162 kes jî birîndar bûne.
Her wiha ji 18’ê Adarê ve di encama pêla nû ya êrişên ser Xezayê de hezar û 309 şehîd û 3 hezar û 184 kes jî birîndar bûne.
Li zîvala Xezzeyê jî bi hezaran kes bê ser û şûn bûne û meytê wan di bin kaviliyan de mane.
Hevgav kesên dorpêçbûyî li devera El-Şucaiyê li rojhilatê bajarê Xezzeyê ragihandin ku ji ber êrişên esmanî û topxaneyî yên giran ên Rejîma dagirker a Siyonîst newêrin mal û konên xwe biterikînin.
Raportera NY got ku tiştên ku li Xezzeyê diqewime ne şer e,belku komkujî ye û ti piştgirî ji jiyana filistîniyan re nayê kirin.
Françêska Albanzê raportera NY li karûbarên mafên mirovan li erdên Filistînê got: Artêşa Israîlî ji bo kuştina filistîniyan li Xezzeyê tu sînor û yasayekê berçav nagirin û belgeyên têkildarî kuştina xebatkarên alîkariyê li zîvala Xezzeyê ji aliyê leşkerên Îsraîlê ve veşartî mane.
Cagan Çapagîn Sekreterê Giştî yê Federasyona Navneteweyî ya Xaça Sor û Heyva Sor jî bi amajeya ser cinayetên Rejîma Siyonîst li dijî hêzên alîkariyê li Zîvala Xezzeyê got: Nabe ku em bihêlin ev êriş wek karekî normal bên dîtin.
