Dewama cinayetên artêşa terorê li dijî filistîniyan
Tevî agirbesa Xezzeyê, van rojana cinayetên Rejîma Siyonîst li Xezzeyêû Rexê Rojava zêde bûne.
Wezareta Tenduristiyê ya Filistînê li Zîvala Xezzeyê bi daxûyaniyekê dawîn amara şehîd û birîndarên êrişên artêşa Rejîma Siyonîst ser zîvala Xezzeyê ji 7 Cotmeha sala borî ve heta niha ragehand û tekez kiriye ji 7ê Cotmeha sala borî heta niha 48 hezar û 222 kes şehîd bûne. her wiha vê saziya pizşkî ya Filistînê got ku hejmara giştî ya birîndarên êrişên artêşa Îsraîlê ser zîvala Xezzeyê ji destpêka şerê li Xezzeyê heta niha gihîştiye 111 hezar û 674 kesan.Vê Wezaretxaneyê ragihand ku di 24 sietên borî de termên 3 şehîdan jî bo nexweşxaneyê hatine veguhestin û termê 2 şehîdan jî ji bin kavilan de hatine derxistin. Di vê heyamê de di encamê êrişên dagirkeran de kesek şehîd bû û 9 kes jî birîndar bûn.
Munîr El-Berş Rêveberê Giştî yê Wezareta Tenduristiyê ya Filistînê li Xezzeyê got: Zarokên nexweş li Zîvala Xezzeyê ji ber kêmbûna îmkanata pizîşkî li ber xetera mirinê ne û Îsraîlî hîna jî pêşiya derbaskirina jeneratorên elektrîkê ku ji bo nexweşxaneyan pir pêwîst in digrin. Li gor nûçeyeek din, Rêxistina Pizîşkên Bêsînor di daxuyaniyekê de ragihand ku Rejîma Siyonîst nêzîkî 38 hezar filistînî ji parêzgehên Cenîn û Tulkermê li bakurê Rexê Rojava bi darê zorê koçber kirine. Vê rêxistinê tekez kir: Valakirinên bi darê zorê û wêrankirina berfire li Rexê Rojava nîşana serkutkirineke dilnigeranker e û bandorên xirab ser tenduristî û jiyana xelkê heye.
