Berdewamiya cinayetên Rejîma Siyonîst li Xezeyê
62 roj li ser şerê Bahoza El-Eqsayê li zîvala Xezeyê û başûrê Lubnanê re derbas dibe, lê êrişên cinayetkarane yên xwefir û topxaneyên Rejîma Siyonîst ser zîvala Xezeyê berdewam dikin.
Di siya berdewamiya piştevaniya berfireh a Amerîkayê , artêşa cinayetkar a Rejîma Siyonîst bombebarankirina deverên curbicur ên Zîvala Xezeyê û cinayetên hovane yên xwe berdewam dike.Topxaneya Rejîma Siyonîst çend cihên Xezeyê bi tundî topbaran kirin û di encama êrişa ser derûdora dibistanên girêdayî bi UNRWAyê de bi dehan filistînî şehîd bûne.Di encama êrişa esmanî ya Rejîma Siyonîst ser kampa El-Mexaziyê li navenda zîvala Xezeyê de 4 endamên malbatekê ji wan 3 zarok şehîd bûn.
Xwefirên Rejîma Siyonîst maleke li kempa Yebnayê li navenda Refehê û li nêzî sînorê Misrê dan ber bombeyan û hejmarek şehîd û birîndar kirin.
Di encama bombebarana maleke li kampa El-Şabûreyê li Refehê li başûrê Zîvala Xezeyê de 20 Filistînî şehîd bûn.
Çavkaniyên nûçeyan derbarê pevçûna giran di navbera hêzên berxwedanê û Rejîma Siyonîstî li navçeyên Şucaiye û Tefahê li rojhilatê Xezeyê agahî dan.
Topxaneyên Rejîma Siyonîst Wadî El-Selûqî li başûrê Lubnanê dan ber topan.
Di heman demê de, Hizbullaha Lubnanê di daxuyaniyekê de ragihand ku bona piştevaniya ji gelê Filistînê li zîvala Xezeyê û piştgiriya ji berxwedana wêrekane ya wan, têkoşerên Berxwedana Îslamî ya Lubnanê meqera El Mercê li gundê dagîrkirî yê Hûnînê dan ber gulleyan.
Şer û pevçûneke gian di navbera hêzên berxwedanê bi leşkerên Rejîma Siyonîst e li navçeyên Şuceiye û Tefahê li rojhilatê Xezeyê rû da û tabûrên Seraya el-Qudsê 3 şeramûrîn Rejîma Siyonîstî bi mûşekên tandim û bombeyên El-Emal El-Fedaî dan ber êrişan.
Di heman demê de berdevkê tevgera Cîhada Îslamî ya Filistînê ragihand: Artêşa Rejîam Siyonîst di şer û pevçûnên li zîvala Xezeyê de rastî operasyoneke nişkêveyî tê û ji ber vê yekê jî wê neçar bibe ku êrişên xwe rawestîne.Museb El-Berîm got: Piştî du mehan ji dagirkeriyê re, berxwedanê, dagirker neçar kirin ku planên xwe biguherînin û paşde vekişin. Dagirker di şerên xwe de rastî êrişên nişkêveyî tên û tişta ku ji berxwedanê dibînin, dê wan neçar bike van destdirêjiyan rawestînin.
.
