Gotûbêjên damezirandina dewleta Iraqê ji îro va dest pê bûn
Çavkaniyên agah qala destpêbûna gotûbêjên Çarçoveya Hevahengiya Şîeyan ji bo damezirandina dewletê ji roja Duşemiyê va kir.
Li gorî rapora Shafagh Newsê, Çavkaniyeke agah li Çarçoveya Hevahengiya Şîeyan a Iraqê ragihand ku rêberên vê çaarçoveyê lidarxistina şêwirînên xwe ji bo bidestxistina hin rêkaran ji bo bidawîanîna nakokiyan navbera vê çarçoveyê û Tevgera Sedir didomînin û bo vê mebestê biryar e ku îro taximek ji Çarçoveya Hevahengiya Şîeyan serdana cihê mayîna Muqteda Sedir li Henaneya Necefê bike.
Vê çavkaniyê her wiha got: Çarçoveya Hevahengiya Şîeyan ji Partiya Demokrat a Kurdistanê (PDK) bi rêbertiya Mesûd Barzanî û Yekîtiya Niştîmanî ya Kurdistanê (YNK) bi rêbeertiya Bafil Talebanî ra ragihandiye ku li ser berendemkî ji bilî navên di rojevê da ji bo bidestxistina cîgeha serokkomartiyê li hev bikin.
Vê çavkaniyê her wiha got: Çarçoveya Hevahengiya Şîeyan dixwaze bi cûreyên cûr bi cûr şîeyan hevaheng bike û hema wisa di vî warî da bi Tevgera Sedir hewil dide, lê eger Muqteda Sedir hema wisa li ser damezirandina dewleta piranî ya neteweyî israr bike, Çarçoveya Hevahengiya Şîeyan dê bernameya xwe bi pêş da bibe.
Piştî serneketina dubare ya parlimana di hilbijartina serokkomarê nû da, roja Pêncşemiyê Muqteda Sedir rêberê Tevgera Sedir a Iraqê derketina blûka xwe ji gotûbêjên ji bo hilbijartina serokkomarû damezirandina dewletê ragihand û destnîşan kir ku 40 rojî derfet dide ku partiyên dijber di gel hemû partiyên siyasî bêyî tu istîsnayekê ji bo damezirandina dewleta pirranî ya neteweyî bêyî Tevgera Sedir gotûbêj bikin.
Li peyt destpêbûna moleta diyarkirî ya Muqteda Sedir, roja bihurî çavkaniyên agah ên iraqî qala damezirandina taximekê ji aliyê Çarçoveya Hevahengiya Şîeyan bi serokatiya Nûrî Malikî, rêberê Hevpeymaniya Dewleta Qanûnê ji bo gotûbêja di gel partiyên dijber û derxistina Iraqê ji asêgeha siyasî ya niha kir.
