Wezîrê Karên Derve yê Komara Îslamiya Îranê di peyamekî xitabî cînaran pêgîrî kir ku dema wê hatiye em pişta xwe bikutin xwe û biratiya rastîn bişopînin. Hevhatina bi Umanê re jî nayê wateya vekirina Tengerêya Hurmizê.

Seyîd Ebas Iraqçî, di peyamekê li ser tora civakî ya X`ê de, bang li welatên cîran û herêmê kir û nivîsand: Hêzên çekdar ên bihêz ên Îranê amadebûn, şiyan û otorîteya xwe li hember hêza leşkerî ya herî pêşketî ya cîhanê îspat kirine. Dema ku misilman yekgirtî û yekrêz bin, dikarin bi hêz û bi biryar li hember her dijwariyek ku ji hêla biyaniyên xerabkar ve tê pêkanîn bisekinin. Dema wê hatiye ku em tenê pişta xwe bikutin hev û biratiya rastîn bişopînin.

Wezîrê Karên Derve yê Îranê, Seyîd Ebas Iraqçî, îro li kêleka civîna çapemeniyê ya serokomar bi rojnamevanan re axivî, rewşa dawî ya danûstandinên Umanê li ser hatûçûna li Tengava Hurmuzê jî şîrove kir û got: gotûbêj berdewam dikin û ji ber tevliheviyên teknîkî, destnîşankirina rêyek demkî di rê de ye û ez difikirim ku em pir nêzîkî encama dawî ne. Bêguman, ev nayê wê wateyê ku Tengava Hurmuzê dê ji nû ve were vekirin. Wî herwiha got: Gotûbêj nêzîkî qonaxên xwe yên dawî ne û pêvajoya destnîşankirina rêyên hatûçûna demkî li gorî nexşeyên ku ji hêla hêzên çekdar ve hatine destnîşankirin di rê de ye. Wisa xuya dike ku gotûbêj dê di demek nêzîk de bigihîjin encamê.

Wezîrê Karên Derve behsa benda pêncemîn a lêktêgeheştinameyê kir û got: Benda 5`emîn a lêktêgeheştinameyê bi zelalî dibêje ku Îran dê ji bo vekirina Tengava Hurmuzê tedbîran bigire. Wî wiha domand: Me ev rê pêk dianîn ku amerîkiyan hewl dan rêyeke nû vekin. Bi berdewamî hate destnîşankirin ku ev binpêkirina lihevkirinê ye, lê amerîkiyan pêkutî kirin ku van rêyên nû vekin; lê em ê binpêkirina lihevkirinê an jî eva ku kesek bixweze rêveberiya Îranê ya li ser Tengava Hurmuzê bixe ber pirsê qebûl nekin û nehemilînin.