Rêberê Şoreşê: Rawestana li ber hovîtiyên li Xezzeyê erka giştî ye
Hezretê Ayetullah Xamineyî di hevdîtina ligel endamên Desteya Lidarxistina Kongreya Neteweyî ya Şehîdên Hawargiheştinê, ku du rojan berî niha, di 12 Gulanê de hat lidarxistin, tekez kir: Xala himberî morela fedakarî û mirovheziyê ya gelê Îranê, cinayet û hovîtiyên rejîma Siyonîst li Xezzeyê û piştgiriya welatên rojavayî ji wê ye ku rawestana li himberî vê xwînmijî û bereya batil û neheq erka giştî ye.
Hezretê Ayetullah Xamineyî, Rêberê Şoreşa Islamî di hevdîtina ligel endamên Desteya Lidarxistina Kongreya Neteweyî ya Şehîdên Hawargiheştinê, xala berûvajî û himberî morela fedakarî û alîkariyê, reftara hovane ya cinayetkarên siyonîst derheq êrişa ser ambulansan, bombebarankirina nexweşxaneyan û kuştina nexweş û zarokên bêberevan da zanîn û got: Îro rojê cîhan bi destê van heywanên bi rengê mirovan ve tê birêvebirin û Komara Îslamî erka xwe dibîne ku li hember hovîtî û xwînmijiya wan raweste. HZ. Ayetullah Xamineyî tekez kir ku protestokirina cinayetên li dijî xelkê sivîl erka gitşî ye û got : Ev berpirsiyarbûn e ku ronahiya hêviyê di dilan de vêdixe û helbet dijminên wekî welatên rojavayî neçar dike ku li himber Komara Îslamî ya Îranê rawestin ji ber ku heke em dev ji protestokirina hovîtiya wan berdin, ew ê bi me re dijminatiyê nekin.
Wî pirsgirêka sereke ya zordarên rojavayî redkirina şaristaniya wan a batil û neheq ji aliyê Komara Îslamî ve da zanîn û got: Batil û neheqî mehkûmî işkestê ye. Bê guman, ji bo bidestxistina vê yekê, divê em ber xwe bidin û xwe ji xemsarî û pasîvbûn, revîn, kenîn û dayîna pesnê neheqiyê ku dibe sedema pêşdeçûna wê ,dûr ragirin.
