SAHAR

Wezîrê karên derve yê Îranê li têkiliya bi rêya telefonê ya li gel hevtayê xwe yê iraqî amajeyî tawanbarkirinên rayedarên amerîkî ji bo zextanîna li ser Îranê kir û destnîşan kir: Çavlirê ye ku welatên cînar û dost haya wan ji pîlan û pêkanîna duberetiyê ji aliyê Amerîkayê ve hebe.

Seyîd Ebas Iraqçî, wezîrê karên derve yê Îranê, û Foad Hisên, wezîrê karên derve yê Iraqê, di peywendiyekî bi rêya telefonê li ser alûgorên herî dawîn ên navçê gotûbêj kirin, wan herwiha li ser rewşa herî dawîn a navçê piştî ji nûve destpêbûna êrişên hovane yên Rejîma Siyonîst dijî Xezze û Libnanê ji aliyekî ve û êrişa leşkerî ya Amerîkayê ser Yemenê  ji alieykî din ve axivîn.

Iraqçî amajeyî metirsiyên cidî yên bikaranîna narewa ya Amerîkayê ya binkeyên li welatên navçê û qada wan a hewayî ji bo êrişa ser netewên navçê,kir û li ser pêwîstiya girtina ber xwe ya tedbîrên pêwîst ji aliyê hemû welatên navçê ve ji bo parastina desthilatdariya xwe ya netewî û girtina pêşiya bikaranîna ax û îmkanên wan ji aliyê hêzên leşkerî yên biyanî ve bona bê ewlehkirina welatên din pêgîrî kir.