Du keştiyên şêrr ên Komara Îslamî ya Îranê tevî zextên Amerîkayê, bi destûra fermî ya hikûmeta Dasîlva Serokkomarê Brezîlê li perravên vî welatî lenger girtin.

Li gorî rapora IRAN Press’ê, Rêveberîya Bendergeha Riyo Du Janîroyê (Rio de Janeiro) bi daxuyaniyekê ragihand: “Mekran” û “Dêna” du keştiyên şêrr ên Îranê roja Yekşemiyê gihîştin perrava vî bajarî, lê tevî zextên Amerîkayê destûra lengergirtina wan hatiye dayîn.

Destpêka vê mehê medyayan ragihandin ku Brezîlê di bin zextên Amerîkayê da daxwaza Îranê ji bo lengergirtina keştiyên şêrr li Riyoyê qebûl nekiriye.