SAHAR

Hisên Emîr-Ebdullahiyan Wezîrê Karên Derve yê Îranê êvara Şemiyê piştî ku gihîşte Havanaya paytexta Kûbayê digel “Miguel Díaz-Canel” (Mîgûêl Diyaz Kanêl) serokkomarê vî welatî hevdîtin pêk anî.

Li gorî rapora IRNA'yê, Hisên Emîr-Ebdullahiyan û “Miguel Díaz-Canel” di vê hevdîtinê da li ser meseleyên dualî û navneteweyî şêwirîn.

Hisên Emîr-Ebdullahiyan êvara Şemiyê li Havanayê ji aliyê Rêveberê Giştî yê Beşa Naveneteweyî ya Wezareta Derve ya Kûbayê va hat pêşwazîkirin.

Wezîrê Karên Derve yê Îranê û desteya pê ra beriya Kûbayê, serdana Nîkaragûa û Venezuelayê kiribûn. Her wiha Emîr-Ebdullahiyan beriya serdana xwe ya bo Amerîkaya Latîn, serdana welatê Mûrîtanyayê li rojavayê Afrîqayê kiribû.