Serokê Beşa Navnetewî ya Dezgeha Dadwerîyê ya Komara Islamî ya Îranê digel desteyekê gihîşt şarê Hewlêrê.

Kazim Xerîbabadî ku li gorî gazîkirina Konseya Bilind a Dadwerîyê ya Iraqê çûye vî welatî, li Hewlêrê bi Serokê Konseya Dadwerîyê û Wezîrê Karên Navxwe yên Herêma Kurdistana Iraqê ra hevdîtin pêk anî û çû seredana girtîyên îranî yên li 2 zîndanan û pirsgirêkên wan ji nêzîk va şopand.

Xerîbabadî di eynî demê da Serokê Dezgeha Mafên Merivan a Îranê ye û Serkonsulê Îranê Reşnûdî, Serokê Rêxistina Girtîgehên Îranê Mihemedî û Serokê Dezgeha Dadwerîyê ya parêzgeha Kurdistanê jî di vê civînê digel wî da bûn.

Di vê seredanê da biryar hat dayîn ku di çarçova rêkevtimaneyên Îran û Iraqê da, demajoya veguhestina cezalêbirrîyan û radestkirina sûckaran were lezandin û Komxebata Dadwerîyê ji bo kivşkirina pirsgirêkên hiqûqî û dadwerîyê yên her du alîyan were pêkanîn û rêbaz û rêçare bên ravekirin.

Şayanî gotinê ye ku dê 14 cezabûyîyên îranî di demeke nêîk da ji zîndanên Herêma Kurdistana Iraqê bo Îranê bên veguhestin.