Emîr-Ebdullahiyan: Danûstandina peyaman derbarê gotûbêjên rakirina boykotan didome
Wezîrê Karên Derve yê Îranê bi gotina vê yekê ku danûstandina peyaman derbarê gotûbêjên rakirina boykotan didome, got: Me di rêya lihevkirinê da hin pêngav dane nasandin ku ez difikirim di pêşerojeke nêzik da yek ji van pêngavan dê were rakirin.
Husên Emîr-Ebdullahiyan di gotûbêjeke televîzyonî da got: Eger îrade û niyeta cidî li aliyê hember hebe û berjwendiyên me bên dabînkirin, lihevkirin dê pêk were.
Wezîrê Karên Derve yê Îranê her wiha got: Amerîkî gelekî zûtir ji sê welatên ewropî têgihîştin ku ti tiştek li paş ajawegêriyên li Îranê tune û dê tiştek neqewime; wan peyam dan ku ew îsrar dikin vegerin Lihevkirinameya Navokî.
Wî tekez kir: Her cihekî ku em his bikin berjwendiyên gel tên dabînkirin, em ê di wê çarçovê da biryar bidin û pêngav rakin.
Emîr-Ebdullahiyan di dewamê da kiryara hin welatên ewropî li dijî Îranê û Sipaha Pasdarên Înqilaba Îslamî şermezar kir û got: Roja îro ewropî zêdetir ji aqil û mentiqê, li gorî hestên xwe biryar didin.
Wî got: Me pêştir ji ewropiyan ra ragihand ku her cûre pêngavrakirina dijî Îranê û danîna navê Sipaha Pasdaran di lîteya komên terorîst da dikare atmosfereke nerênî di peywendiyan da pêk bîne.
