Husên Emîr-Ebdullahiyan: Danûstandina peyaman û gotûbêjên Lihevkirina Navokî di rêya xwe ya durist da ne
Wezîrê karên derve yê Îranê roja Pêncşemiyê di press konferansa digel wezîrê karên derve yê Ermenistanê da bi raberkirina raporekê ji pêvajoya herî dawî ya gotûbêjên rakirina boykotên zalimane li dijî Îranê, got: Danûstandina peyaman û gotûbêjên ji bo gihîştina bo qonaxa dawiyê ya lihevkirina ji bo rakirina boykotan û vegeriyana hemî aliyan bo Lihevkirina Navokî di rêya xwe ya durist da ne.
Husên Emîr-Ebdullahiyan Wezîrê karên derve yê Îranê di vê civînê da got: Danûstandina peyaman digel aliyê amerîkî ji bo gihîştina bo qonaxa dawiyê ya lihevkirinê didome; her çend ku di ajawegêrî û aloziyên vê dawiyê li Îranê da, Amerîkayê û hin welatên ewropî bilezûbez, nepijyayî û wek destwerdan tev geriyan.
Emîr-Ebdullhiyan bi gotina vêya ku roja îro li Îranê her tişt di rêya xwe ya xwezayî da ye, got: Me hişyarî da aliyê amerîkî û ewropî ku bi têgihîştina şaş ajawegêr, alozîçêker û teorrîstan li Komara Îslamî ya Îranê tehrîk nekin.
Wezîrê karên derve yê Îranê di dewamê da tevî tekeziya li ser vêya ku dewleta Îranê bi tamî hesaba kesên ajawegêr, çekdar û terorîstan ji gelê ku daxwazên xwe yên aştiyane hene, cuda kiriye, got: Ti kesek têkildarî daxwazên aştiyane li Îranê nehatiye girtin.
Di rojên derbasbûyî da hin bajarên Îranê bûn qada alozîderxistina ajawegêran ku ev yek bi hişyariya hêzên ewlehiyê û hebûna bicoş a gel li seranserî Îrana îslamî daket.
Di aloziyên vê dawiyê da serokên siyasî yên Amerîkayê û carinan jî Ewropayê, medyayên wan û her wiha medyayên farisî yên dijber û di bin piştevaniya welatên rojavayî da, bûyereke xembar a ku dihat vekolandin neçê bi kar anî û bi dirûşmeya piştevaniya ji mafên gelê Îranê, hemî hewla xwe ji bo piştevaniya ji ajawegêr û binpêkerên ewlehiya gel bi kar anî; di halekî da ku bi miliyonan kesî ji bo piştevaniya ji hikûmet û welatê xwe û dijayetiya vebirr digel alozî û ajawegêriyê hatin nav kolan û meydanên welêt.
