Berdevkê Wezareta Karên Derve ya Îranê bi şermezarkirina teqînên terorîstî yên li Kabulê, destnîşan kir: Em li bendê ne ku rayedarên dewleta demkî ya Efxanistanê bi sedema hebûna şîniyên Huseyan li mizgeft û merasîmên şînê, tedbîrên ewlehiyê yên zêdetir bidin.

Li gorî rapora IRNA`yê; Berdevkê Wezareta Karên Derve ya Îranê Nasir Kenanî bi derbirîna xemgînî û dilgiraniya xwe ji şehîdbûn û birîndarbûna hejmareke zêde ji welatiyên bêguneh ên Efxanistanê di teqînên terorîstî yên roja Îniyê 7`ê Muherremê li bajarê Kabulê, bi tundî ev êrişên terorîstî şermezar kir.

Roja Înê, medyaya Efxanistanê ragihand ku teqînek li rojavayê Kabulê pêk hat û di encamê de hejmarek welatiyên efxan şehîd û birîndar bûn.