Çaremîn civîna Komîsyona Hevbeş a Rêkeftina Navokî di gera heftem a danûstandinên Viyenê de bi dawî hat.

Li gorî rapora roja Îniyê ya IRNA`yê, civîna komîsyona hevpar a Rêkeftina Navokî ku bi amadebûna nûnerên Îranê, koma 4+1 û Yekîtiya Ewropayê li Otela Kobûrgê hat lidarxistin, bi dawî hat û biryar hat dayîn ku ev gotûbêj piştî çend rojan bên şopandin. 

Ev gera gotûbêjan roja pêncşema borî dest pê kir û şandan yekser dest bi xebata li ser nivîsan kirin û hewla kêmkirina nakokiyan dan.

Di gera heftem a gotûbêjan de, desteya danûstandinkar a Îranê bi destpêşxeriyeke cidî, metnên xwe yên pêşniyarkirî di du mijaran de pêşkêşî aliyê din kir: "Rakirina dorpêçên zordarane" û "pirsgirêkên navokî".

Komara Îslamî ya Îranê wek welatekî berpirs çendîn caran ragehandiye ku ji ber ku Amerîka alîyê binpêkirinaRêkeftina Navokî ye, eva Waşîngton e ku bi rakirina sizayan divê vegere ser rêkeftinê û divê ku pêsparteyên xwe yên li gor vê rekeftinê cih bîne û rastiya vê yekê îsbat bike.