Dewama merasim û tazîdariyên Muherremê li navçeyên curbicur ên Îranê
Merasîma tazîdariya Muherremê û bîranîna Îmam Husêyn(s)û hevrêyên wî yên emegdar ku di 1ê meha Muheremê ve hevdem li seranserê Îranê dest pê kiriye, şeva borî û îro jî bi awayekî berfireh berdewam e.
Şeva borî çîn û qatên curbicur ên xelkê li navçeyên curbicur ên Îranê bi amadebûna li mizgevt û tekyeyeên mezhebî merasima tazîdariya Tasûa û Aşûraya Husêyn, silavên Xwedê lê bin li dar xistin û rêz li bîranîna Îmam Husêyn û hevalên wî yên emegdar li şerê Kerbelayê girtin.
Merasima tazîdariya Tasûaya Husêynî (s) şeva buhurî bi amadebûna Hezretê ayetullah Xamineyî rêberê giranqedr ê Inqilaba Îslamî û komek ji tazîdarên Husêynî li Husêniya Îmam Xumeynî (RE) hat lidarxistin.
Merasima tazîdariya Îmam Husêyn (s) li navçên cuda yên Îranê bûye kevneşopiyek gelek kûr û gelek navçe di rojên Muherremê de bo lidarxistina merasimên taybetî heyamê muheremê tên naskirin û ev merasim bûne weke cihên balkêş ên geştyariya ayînî û mezhebî.
Wek mînak li bajarê Lahîcanê li bakurê Îranê merasimek bi navê Çil Minber tê lidarxistin ku merasîmeke gelek taybet e, yan jî li Zencanê her sal kombûna bi hezaran evîndarên Îmam Husên bala her kesî dikşîne.
Li Tewrêzê di şeva Aşûrayê de qêrîna Şah Huseyn bilind dibe û her herêmek merasima xwe ya taybet heye.
