Festîvala Fîlman a Kobanî dest bi wergirtina fîlman kir
May 03, 2023 08:24 Asia/Tehran
Çaremîn Festîvala Fîlman a Navdewletî ya Kobanî hat ragihandin û roja dawiyê ya wergirtina Fîlman, roja 1ê Tîrmeha 2023yan e.
Çaremîn Festîvala Fîlman a Navdewletî ya Kobanî ji duh Duşemê ve dest bi wergirtina fîlman kiriye û wergirtina fîlman heta roja 1ê Tîrmeha 2023yan berdewam dike.
Festîval dê îsal di navbera 09 -10ê Îlonê dest pê bike û dê di festîvalê de xelat werin pêşkêşkirin.
Li gor malpara Festîvala Fîlman a Navdewletî ya Kobanî, filmên ku di navbera 2020 û 2023yan hatine berhamanîn tên pejirandin.
Berpirsê Peywendî û ragihandinê yê Çaremîn Festîvala Fîlman a Navdewletî ya Kobanî Mistefa Zêdan ji Rûdawê re diyar kir ku wan dixwest îsal li Herêma Kurdistanê festîvalê saz bikin, lê derfeta wan çênebûye.
