Arjantîn bi rola Mêsî ya berbiçav derbasî fînala Kupa Cîhanî bû
Tîma futbolê ya Arjantînê bi lîstina sûper a Lîyonel Mêsî li tîma Krowasîyê bir û derbasî fînala Kupa Cîhanî ya Qeterê bû.
Pêşbirka yekê ya qonaxa nîvfînalê ya Kupa Cîhanî ya 2022an a Qeterê şeva buhurî li werzişgeha şarê Losyêlê di navbera tîmên Arjantîn û Krowasîyê da hat lidarxsitin ku tîma Arjantînê karî bi encama 3-0 ji tîma Krowasîyê bibe.
Tîma Arjantînê bi vê serketinê wek alîyekî fînala Kupa Cîhanî ya 2022an a Qeterê hat destnîşankirin.
Lîyonêl Mêsî di deqîqeya 34an da bi penaltîyê û Xolîyan Alvarêz (Julián Álvarez) di deqîqeyên 39 û 69an da golên tîma Arjantînê tomar kirin.
Lîyonêl Mêsî di dawîya vê pêşbirkê da, wek baştirîn futbolîstê meydanê hat bijartin.
Tîma Arjantînê bi vê serketinê pêngavek din ji bo bidestxistina kupa sisêyan a cîhanê rakir.
