Pêşbirka yekem a Kûpa Cîhanî; Ekvadorê Qetera mazûvan têk da
Ekvador li Qeterê mêvan bû, pêşbirka yekem bû, lê mêvanê guh neda mazûvana xwe û 3 puen xistin bêrîka xwe.
Li gorî nûçeya Malpera Diyarname'yê, Em qala Kûpaya Cîhanê 2022 dikin. Vê carê Qeter ji bo Kûpa Cîhanê mazûvanî dike. Pêşbirka yekem a tûrnûvayê li Stada Al Bayt a li bajarê Al Khorê bi merasim û şahiyê dest pê kir. Şahiya li stada 60 hezar kesî 40 deqîqe dom kir. Piştî şahiyê pêşbirkê dest pê kir. Wekî her tûrnûvayê dîsa bi pêşbirka mazûvan tûrnûvayê dest pê kir. Di pêşbirka Koma A de mazûvan Qeter û mêvan Ekvador hatin hemberî hev. Di pêşbirka ku Ekvador serdest bû de bi 2 golan pêşbirk bir.
Bi vê pêşbirkê re 3 puenên pêşî yên tûrnûvayê li ser Ekvadorê hatin nivîsîn. Wekî gola yekemîn a vê tûrnûvayê jî gola Enner Valencia (deqîqeya 16) hat nivîsandin. Gola din a Ekvadorê jî Valencia di deqîqeya 31’ê de avêt.
Pêşbirka din a Koma A sibê di navbera Senegal û Hollandayê de dê bê lîstin.
