Serokê FIFA'yê li Qeterê gotinên bigengeşe anîn ziman
Gianni Infantino Serokê FIFA'yê di bereberê Kupa Cîhanî ya 2022an a Qeterê da gotinên ecêb anîn ziman.
Gianni Infantino di press konferansa sibeha Şemiyê axaftineke ecêb kir û îdia kirku ti hewcetiyek bi berevaniya ji Qeterê û mazûvaniya vî welatî tuneye.
Serokê FIFA'yê bal kişande ser rexneyên hilêxistî derbarê karkerên koçber û got: "Ev bi başî pîvanên ducûre yên Ewropayê nîşan dide. Ez ewropî me. Vê parezemînê di heyama 3000 salên derbasbûyî da liv û tevgerên xerab li seranserî cîhanê hebûye û divê heta 3000 salên din daxwaza lêborînê bidomîne; beriya ku bixwaze dersa exlaqê bide yên din".
Gianni Infantino tevî rexnegirtina li axaftinên hilêxistî ji aliyê gelek tîmên ewropî va, got: Eger Ewropa bi rastî girîngiyê dide çarenûsa gel, dikare bi rêya kanalên qanûnî bikeve tevgerê da ku hinek ji van karkeran bibe Ewropayê û hêvî û pêşerojê bide wan. Ez van rexneyan tê nagihêjim. Gelek babet baş û bê kêmasî nînin, lê serrastkirina wan dem dixwaze."
