Tîma Volîbola rûniştî ya mêran a Îranê destûra beşdariya li Para-Olempîka Parîsê wergirt
Tîma Volîbola rûniştî ya mêran a Îranê bi hilkişiyana bo fînala pêşbirkên cîhanî yên vê werzîşê, destûra beşdariya di Para-Olempîka Parîsê da wergirt.
Pêşbirkên Volîbola rûniştî ya qaremaniya cîhanê ji 4ê Mijdarê va dest pê kirin û dê roja 11ê vê mehê bi daawî bên.
Li gorî rapora IRNAyê, Tîma Volîbola rûniştî ya mêran a Îranê ku bi serketina xwe ya li hemberî Iraq, Qezaqistan û Krowasiyê wek tîma yekem derbasî qonaxa hevtêkbirin anku Hezfiyê bûbû, di vê qonaxên da jî ji tîmên Japon û Amerîkayê bir û gihîştiye nîvfînalê.
Şagirdên Hadî Rezayî bi têkbirina tîma Brezîlê di nîvfînalê da, tevî hilkişiyana bo fînalê, destûra beşdariya di Para-Olempîka 2024an a Parîsê jî wergirt.
Tîma Volîbola rûniştî ya mêran a Îranê bi encama 3-0 ji Brezîlê bir û dê roja Înê anku sibe biçe pêşberî tîma Bosniyayê.
Tîma Îranê beriya vêya 9 dewreyên lipeyhev beşdarî Para-Olempîkê bûye ku encama wê 7 mîdalên zêr û 2 zîv in.
