Amedsporê li deplasmanê 1 puan wergirt
Lîstika tîmên futbolê yên Amedspor û Afyonsporê li bajarê Afyonê bi encama 1-1 wekhev bi dawî bû.
Tîma Amedspor ku di Lîga Spî ya 2emîn de weke nûnera Diyarbekirê ya Kurdistana Tirkiyê dilîze, vê heftê bû mêvana Afyonsporê.
Lîstika Afyonspor û Amedsporê di çarçoveya hefteya 7mîn de saet 19.00 li stada Afyonsporê bêyî beşdarbûna alîgirên Amedsporê destpê kir.
Di nîveka yekem a pêşbirkê de lîstikvanê Afyonsporê Berat Tosun di xuleka 18emîn de gol avêt û tîma xwe 1-0 pêş xist. Di dawiya nîveka yekem de Amedsporê di xuleka 45+4 de bi gola Mehmet Alaedînoglu re encam kir weke hev û nîveka yekem a lîstikê bi wê encama 1-1 bi dawî bû.
Di nîveka duyem a lîstikê de lîstikvanê Amedsporê di xuleka 63yem de karta sor wergirt û Amedspor neçarbû bi 10 lîstikvanan berdewam bike.
Ji ber cezayên ku Amedsporê girt, maça ku 90+7 xulekan dewam kir, 1-1 bi dawî bû. Her du tîm jî bi puanekê ji qadê derketin.
