Di Lîga Ewropa û Lîga Konferansê de nîv fînalîst diyar bûn
Piştî Lîga Qaremanan a UEFA’yê vê carê di Lîga Ewropa û Lîga Konferansê de nîv fînalîst diyar bûn.
Li gorî nûçeya malpera Diyarname'yê, Piştî Lîga Qaremanan a UEFA’yê, vê carê di Lîga Ewropa û Lîga Konferansê de jî nîv fînalîst diyar bûn.
LÎGA EWROPAyê
Di Lîga Ewropayê de surprîz ji Frankfurtê hat. Tîma alman li pêşbirka vegerê tîma katalan Barselona bi encama 3-2 têk bir û derbasî nîv fînalê bû.
Leipzigê di pêşbirka vegerê de Atalanta bi encama 2-0 têk bir û bilêta nîv fînalê wergirt.
Li aliyê din tîma îngilîzî West Ham bi encama 3-0’ê tîma Lyon şand malê. Her wiha Rangersê tîma Bragayê bi encama bi 3-1 têk bir û ew jî derbasî nîv fînalê bû.
Di nîv fînalê de tîm wisa bûn reqîbên hev:
- West Ham - Frankfurt
- Leipzig - Rangers
LÎGA KONFERANSÊ
Di Lîga Konferansê de tîma îngilîz Leicester li pêşbirka vegerê PSV bi 2-1 têk bir û derbasî nîv fînalê bû.Tîma fransiz Marsilya jî PAOK bi 1-0 têk bir.
Tîma îtalî Roma bi 4 golan Bodo Glimt şand mal.
Di encamê de nîv fînal bi vî awayî çêbû:
- Leicester - Roma
- Feyenoord - Marsilya
DEMAJOYA PÊŞBIKÊN NÎV FÎNALÊ
Di her du lîgan de jî pêşbirkên yekem dê 28’ê vê mehê, pêşbirkên duyem jî dê 5’ê Gulanê bêne lîstin û fînalîst diyar bibin.
Di Lîga Ewropayê de pêşbirka fînalê 18’ê Gulanê, di Lîga Konferansê de jî pêşbirka fînalê dê roja 25’ê Gulanê bê lîstin.
