Guleşta Bi Çoxeyê li Bakûrê Xorasanê; Sferayîn bû yekem
Pêşbirkên neteweyî yên Guleşta Bi Çoxeyê bi beşdariya 240 guleştgiran ji heft parêzgehan sibeha Pêncşemiyê dest pê bûn û bi danasîna kesên sereke bi dawî bû.
Li gorî rapora IRNAyê, Pêşbirkên neteweyî yên Guleşta Bi Çoxeyê an jî wek ku li herêma Bakûrê Xorasanê tê gotin, pêşbirkên Kuşniyê bi beşdariya 240 guleştgiran ji heft parêzgehan sibeha Pêncşemiyê dest pê bûn û bi danasîna kesên sereke bi dawî bû.
Di dawiya van pêşbirkan da Lûle-Gosster a Sferayînê, Tîma Sebok-Sazan û Tîma Fûlada Sferayînê bi rêzê bûn yekem heta sêyem.
Bakûrê Xorasanê lanik û jêderka Guleşta taybet a Bi Çoxeyê an jî Kuşniyê ye û her sal ev pêşbirk li navçeyên cûr bi cûr ên vê deverê ji wan li Qoçan, Sferayîn, Şîrwan, Bijnûrt, Aşxane, Çinaran û hwd tên lidarxistin.
Yek ji meydanên navdar ên Kuşniyê jî, meydana Zeynelxanê li bajarê Sferayînê yê ser bi parêzgeha Xorasana Bakûr e ku di 31ê Adarê an 1ê Nîsana her sal da pêşbirk tê da tên lidarxistin.
Hêjayî gotinê ye, kuşnî werzîşeke gelekî hezkirî û xwemalî li herêma Bakûrê Xorasanê ye û li gorî hin texmînan nêzikî 70 hezar temaşevanên jin û mêr ji nêzik va van pêşbirkan dişopînin.
