Pêşwaziya ji Newrozê li gundê Çişmîdera Parêzgeha Kurdistanê
Her sal gelê gundê Çişmîdera Hewramanê li parêzgeha Kurdistanê, kêmtir ji mehekê mayî li yekemîn roja Ferwerdînê û sersalê diçin pêşwaziya sala nû û bi merasima kevneşopî û dîlan û mûzîka kurdî, kevneşopiya Newrozê pîroz dikin.
Gundê Çişmîderê li herêma tûrîstî ya Hewramanê ye û ji ber mewqiya xwe ya cografyayî germtir ji deverên din e û giya li wir zûtir şîn dibin.
Çişmîder gundekî beşa navendî ya Şaristana Serv Abadê ye û 130 kîlomitran dûrî Sineya navenda parêzgeha Kurdistanê ye.
Li gorî rapora IRAN Pressê, Gelê gundê Çişmîderê li ser vê bawerê ne ku bi şînbûna giyayan û jiyana nûli xwezayê, sala nû ya wan e û her salê vê cejnê pîroz dikin.
Îsal jî ev merasim bi cihanîna bernameyên cûr bi cûr hat lidarxistin. Lixwekirina cil û bergên kurdî bi awayê wekhev ku nîşana dostî û hevgirtina gelê vê deverê ye, ev cejn bedewtir kiribû.
