SAHAR

Helbestvan Ehmed Dilzar di 101 saliya de li mala xwe ya li bajarê Hewlêrê koça dawî kir.

Li gorî nûçeya Hawar Newsê (ANHA), Kurê helbestvan Ehmed Dilzar, Aram Dilzar li ser hesabê xwe yê Facebookê da zanîn ku duh saet di 13.30’an de Ehmed Dilzar koça dawî kiriye.

Navê rast ê Ehmed Dilzar, Ehmed Mistefa Mihemed e. Ehmed Dilzar di 8’ê Çileya sala 1920’an de li navçeya Koyeyê ji dayik bû.

Dilzar di sala 1959’an de bû endamê Yekitiya Wêjevanên Ereb. Di sala 1970’an de, wek yekem endamê Desteya Rêveberiya Yekitiya Nivîskaren Kurd hat hilbijartin.

Cenezayê Dilzar dê li Koyê were veşartin.