Îro 21ê Sibatê Roja Zimanê Dayikê ya Cîhanê ye
21ê Sibatê ji aliyê UNESCOyê ve di 17 Mijdara 1999an de li cihanê weke Roja Zimanê Dayikê hatiye qebulkirin.
Her sal ev roja weke roja Zimanê Dayikê li seranserê cîhanê bi çalakiyên pirrengî tê pîrozkirin. Armancên vê rojê balkişandina ser mafê perwerdehiya zimanê dayîkê, bilindkirina têgihiştinan ji bo civakeke pirçandî, bilindkirina toleransan li hember mirovên cihêreng.
Li gorî daneyên Netewên Yekbûyî li cîhanê bêhtirî 7 hezar ziman hene, metirsiya jinavçûnê li ser 500 zimanî heye.
Li gorî UNESCO’yê her 12 rojan zimanek li cihanê winda dibe û bi vî rengî heta dawiya sedsala 21’an wê nîviya zimanên cihanê winda bibin.
Li gorî bendên mafên mirovan, xwendin bi zimanê dayikê mafê her kesî ye,
Li gorî amarên UNESCO, li cîhanê nêzikî ji sedî 40 ji mafê xwendinê bi zimanê dayikê bê par in.
Bêhtir ji 40 milyon kesî li cîhanê bi Zimanê Kurdî diaxivin lê ji ber asîmîlasyonê zimanê Kurdî li welatekî wekî Tirkiyê jî di bin xeterê de ye. Li Tirkiyê mafê xwendinê bi zimanê dayik nîne.
Li Kurdistana Iraqê xwendin û perwerdehiya bi zimanê kurdî heye û li Kurdistana Îranê xwendekarên zanîngehqan heqê bijartina çend unîtên dersa perwerdehiya bi zimanhê kurdî hene.
Li dibistanên di bin destê rêveberiya kurdên sûrî de xwendin û perwerdeyê bi sê zimanan e, ew jî Kurdî, Erebî û Siryanî ne, lê zimanê fermî yê belgeyan li cem Rêveberiya Xweser zimanê Erebî ye.
