Desteya Çand û Hunerê ya Herêma Efrînê pênşangeheke wêneyan bi navê "Êş û berxwedan" vekir.

Li gorî rapora ajansa nûçeyan a Hawar Newsê (ANHA), Pêşangeha li hola kampa Serdem a Herêma Şehbayê bi beşdarbûna bi dehan endamên saziyên sivîl hate vekirin.

Di pêşengehê de 80 wêneyên ku endamê Desteya Çand û Hunerê Remzî Qimê ji koçberiya şêniyên Efrînê û zehmetiyên wan di kampan de, kişandine, hatin daliqandin.

Pêşengeh ji aliyê Hevseroka Desteya Şûnwaran a Herêma Efrînê Esmehan Ehmed ve hate vekirin. Hevserokê Desteya Çand û Hunerê ya herêma Efrînê Henan Seydo axivî, bixêrhatina beşdaran kir û kesên di vekirina pêşangehê de ked dane spas kir.

Piştre beşdaran li hola pêşangehê gerîn û wêne temaşe kirin.