SAHAR

Ji bo pêşbirkênên Koman a Lîga Qehremanan a Fûtbala Ewropayê (UEFA Champions League) ya serdema 2020-2021'ê pişke hat kişandin. Pişke li bajarê Cenevre yê Swîsreyê hat kişandin û tîmên dê di nav koman de cih bigirin diyar bûn. Pêşbirkênên koman dê 20'ê vê mehê (Cotmeh) dest pê bikin û 9'ê berfanbarê (Kanûn) bi dawî bibin.

Li gorî nivîsa malpera Diyarname'yê, Ji Tirkiyê tenê qehremana par yanî Başakşehîr karî here Lîga Qehremanan. Di pişkeyê de Başakşehîr ket komeke giran. Di vê komê de ligel Başakşehîrê Paris Saint-Germain (PSG), Manchester United (MU) û Leipzig hene.

Bi temamî 8 kom hene û di her komê de çar tîm. Her du tîmên bibin yekemîn û duyemîn dê derbasî Dora 16'an bibin, tîma sêyemîn dê here Lîga Ewropayê û tîma çaremîn vegere mala xwe.

Va ne ew kom:

- KOMA A: Bayern Munih (Almanya), Atletico Madrid (Spanya), Salzburg, Lokomotiv Moskova (Rusya)

- KOMA B: Real Madrid (Spanya), Shakhtar Donetsk (Ûkrayna), Inter (Îtalya), Monchengladbach (Almanya)

- KOMA C: Porto (Îtalya), Manchester City (Îngilistan), Olympiakos (Yewnanistan), Marsilya (Fransa)

- KOMA D: Liverpool (Îngilistan), Ajaks (Hollanda), Atalanta (Îtalya), Midtjylland (Danîmarka)

- KOMA E: Sevilla (Spanya), Chelsea (Îngilistan), Krasnodar (Rusya), Rennes (Fransa)

- KOMA F: Zenit (Rusya), Borussia Dortmund (Almanya), Lazio (Îtalya), Club Brugge (Belçîka)

- KOMA G: Juventus (ÎTalya), Barcelona (Spanya), Dinamo Kiev (Ûkrayna), Ferencvaros (Macaristan)

- KOMA H: PSG (Fransa), Manchester United (Îngilistan), Leipzig (Almanya), Başakşehîr (Tirkiye).

Pêşbirkênên Koman jî dê van rojan bêne lîstin:

- Pêşbirkênên 1'emîn: 20-21 Kewçêr (Cotmeh)

- Pêşbirkênên 2'yemîn: 27-28 Kewçêr

- Pêşbirkênên 3'yemîn 3-4 Sermawez (Mijdar)

- Pêşbirkênên 4'emîn: 24-25 Sermawez

- Pêşbirkênên 5'emîn: 1-2 Berfanbar (Kanûn)

- M açên 6'emîn: 8-9 Berfanbar

Pêşbirkên fînalê yên Lîga Qehremanan dê roja 29'ê Gulana 2021'ê bê lîstin.