SAHAR

Kongreya Awarte ya Taxima Fûtbalê ya Amed Sporê ji ber Vîrûsa Koronayê piştî bi paş ve xistinan îro li tesîsên wan ên li Seyrantepeyê li dar ket. Di kongreya ku yek lîste hat dengdan de "Vechettin Alsaç" ji bo serokatiyê hat hilbijartin.

Li gorî rapora malpera Diyarnameyê, Serokê klûbê û endamên ji bo Lijneya Rêveberî hatin hilbijartin hefteya pêşiya me dê li hev bicivin, karbeşî çêbikin û ji bo sala bê dest bi xebatan bikin.Serokê nû yê Amed Sporê "Vechettin Alsaç" ji Bismilê ye, karsaz e û heta niha Endamê Meclisa DTSO'yê (Odeya Ticaret û Sanayî ya Amedê) bû.