Li Enqera paytexta Tirkiyê piştî baraneke guj lehî rabû, mal û otomobîlên welatiyan di bin avê de man û kesek birîndar bû.

Lehiyê herî zêde bandor li navçeya Keçîorenê kir û tîmên şaredariyê, parêzgariyê û AFADê ji bo paqijkirina şopên lehiyê û tespîtkirina ziyanê dest bi xebatê kirin.

Li taxa Ednan Menderesê avê bi ser gelek mal û kargehan de girt û otomobîl di nava heriyê de man.

Welatiyên ku malên wan di bin avê de mabûn, bi derfetên xwe hewl da ku av û bermahiyên lehiyê ji malên xwe derxînin.