Erdogan: Netanyahu navê xwe li rex Hîtlêr, Musolînî û Îstalîn tomar kir
Serokomarê Tirkiyê got: Serokwezîrê Rejîma Siyonîst bi cinayetên li Xezeyê navê xwe li rex Hîtlêr, Mûsolînî û Îstalîn wek Naziyên serdemê tomar kir.
Recep Teyib Erdogan di 53- yemîn Civîna Civata Giştî ya Bunyadê Daniş li Stenbolê de axivî û destnîşan kir: Binyamîn Netanyahu û kabîneya wî bi cinayetên li dijî mirovahiyê yên li Xezeyê, navê xwe li rex Hîtlêr, Mussolînî û Stalîn wek Naziyên serdema me tomar kir.
Serokomarê Tirkiyê ku têkiliyên aborî û bazirganî yên wî welatî bi rejîma zarokkuj a Îsraîlê re heye, got: Heta niha di encama êrişên rasterast ên Îsraîlê de zêdetirî 32 hezar filistînî şehîd bûne û zêdetirî 72 hezar filistînî jî birîndar bûne.
Serokomarê Tirkiyê got: Sebebkarên komkujiya li Xezeyê di wijdana mirovahî de hatine mehkûmkirin û em jî pêngavên pêdivî jibo ku wan li himber mafên navneteweyî bersivdar bikin, radikin.
Wî her wiha got: Mixabin cîhana Îslamê bi nifûsa xwe ya nêzî 2 milyar kesî , nekariye erka xwe ya biratî ya li hember gelê Filistînê bi tevahî cih bîne.Ev gotinên Erdogan di halkeî de hat hilêxistin ku Tirkiye ku dabînkerê sereke yê sotemenî û xwarinê ji bo Rejîma Siyonîst e, di 5 mehên borî de têkiliyên xwe yên ticarî bi vê rejîmê re di hemû waran de bi awayekî berçav zêde kiriye.
