Parlimantereke HDP’yî bi hegera qirrkirinê hikûmeta Tirkîyê da ber rexneyan
Endameka kurd a parlimana Tirkîyê hikûmeta vî welatî bi qirrkirina kurdan tawanbar kir.
“Tûlay Hatem-Ogullari” wekîla gelê şarê Adanayê ku parlimantereka Partiya Demokratîk a Gelan (HDP) e, îro di axavtinekê da hikûmeta Serokkomarê Tirkîyê Receb Teyyîb Erdogan bi qirrkirina kurdan tawanbar kir û got: ‘‘Hikûmeta nika hemî rêyên tepeserkirinê bi şêwazên şerê taybet û herwiha bi rêya dîplomatîk ceribandîne û qirrkirina kurdan ji hêla sîyasî-çandî va didomîne.”
Vê parlimantera HDP’yê herwiha got: “Hikimdarên nika ji bo qahîmkirina cîgeha xwe her karekî rewa dizanin û tepeserkirina kurdan didomînin.”
Tûlay Hatem-Ogullari herwiha xwest ku Serokê hepsî yê PKK’yê “Ebdullah Ocalan” were azadkirin.
HDP’yê di hilbijartinnê sala 2018an da 67 kursî li parlimana Tirkîyê bi dest xistin, lê vê partiyê 9 kursîyên xwe bi hegera tawanbarkirina parlimanterên wê bi sûcê “Endametîya di rêxistinên terorîst da” ji dest dane.
