Partiya Demokratîk a Gelan (HDP) ragihand, hêzên ewlekariyê yên Tirkiyê 11 rêvebirên wan ên navçe û bajarê Stenbolê desteser kirine. Tê amajekirin hejmara kesên werin desteserkirin, dibe ku zêde bibe.

Li gorî nûçeya Kurdistan24ê, Roja 12ê Hezîranê li Stenbolê bi beşdariya parlamenter û alîgirên HDPyê bi mebesta ku balê bikêşînin ser rewşa rêberê girtî yê PKKyê, Abdullah Ocalan, çalakî hatibû lidarxistin û di wê çalakiyê de di navbera polîs û HDPyiyan de rakêşî rû dabû. 2 kesên beşdarî çalakiyê bûbûn hatibûn girtin.

Di vê çalakiyê de dirûşmeyên ji bo Ocalan hatine avêtin, wek sedema desteserkirina 11 rêvebirên HDPyî tê destnîşankirin.